Fyrir forritara

    Sláðu inn að minnsta kosti tvo stafi.

    Fá API lykil

    Hugtök

    Upphæðir, tími og útgáfur

    Reglurnar sem allir endapunktar fylgja: JSON meginmál, tugatölur á strengjaformi, UTC tími, auðkenni með forskeyti og stöðug v1.

    Beiðnir

    • Grunnslóðin er https://public-api.myntkaup.is, og allar slóðir byrja á /v1.
    • Meginmál beiðna er JSON, sent með Content-Type: application/json, og mest 8 KB.
    • Óþekktum reitum í meginmáli og óþekktum færibreytum í fyrirspurn er hafnað með 400 invalid_request. Skilaboðin nefna reitinn.
    • Hvert svar ber MK-Request-Id haus: req_ og á eftir 26 stafir. Skráðu hann í annála.

    Umhverfi

    UmhverfiGrunnslóðLyklar
    Raunumhverfihttps://public-api.myntkaup.ismk_live_…
    Prófunarumhverfihttps://public-api.staging.myntkaup.ismk_test_…

    Prófunarumhverfið er í bili aðeins fyrir prófanir Myntkaupa sjálfra. Opið prófunarumhverfi fyrir forritara er á dagskrá.

    Upphæðir

    • Upphæðir eru tugatölur á strengjaformi: "0.00104210", "100.00", "-100.00". Þær eru aldrei JSON tölur, sem myndu tapa nákvæmni.
    • Lestu þær með tugatölutegund, eins og decimal.Decimal í Python eða tugatölusafni í JavaScript, eða haltu þeim sem strengjum. Ekki breyta þeim í fleytitölur til að reikna með þeim.
    • Upphæðir sem þú sendir eru jákvæðar, með mest 20 tölustöfum fyrir framan punktinn og 18 fyrir aftan. Upphæðir viðskipta eru námundaðar að base_increment rafmyntarinnar (sjá GET/v1/assets).
    • Viðskipti eru gerð upp í USDC (quote_currency). Virði í ISK (value_isk, total_value_isk, isk_estimate) er aðeins leiðbeinandi.

    Rafmyntir

    Tákn rafmynta eru í hástöfum: "BTC", "ETH", "USDC". GET/v1/assets telur upp þær sem hægt er að eiga viðskipti með, ásamt stærðum og nákvæmni. Rafmynt með stöðuna delisted má enn selja.

    Tími

    • Tími í svörum er á ISO 8601 sniði í UTC, með Z: "2026-11-03T10:15:10Z".
    • Síurnar from og to taka líka við tímabelti: 2026-11-03T00:00:00+00:00.
    • MK-Timestamp er annað: millisekúndur frá upphafi Unix tímatals.
    • „Dagur“ í mörkum er UTC dagur.

    Auðkenni

    Auðkenni eru ógegnsæir strengir með forskeyti sem segir hvað þau eru:

    ForskeytiHlutur
    qt_Verðtilboð
    tr_Viðskipti
    tx_Færsla (transaction)
    gc_Gjafabréf
    req_Auðkenni beiðnar
    mk_live_, mk_test_API lykill

    Geymdu þau sem strengi, allt að 70 stafi. Ekki þátta það sem kemur á eftir forskeytinu.

    Útgáfur

    Útgáfan er í slóðinni: /v1. Innan v1 er aðeins bætt við:

    • nýjum endapunktum;
    • nýjum valfrjálsum reitum og færibreytum í beiðnum;
    • nýjum reitum í svörum.

    Því skaltu hunsa reiti í svörum sem þú þekkir ekki, frekar en að hafna þeim. Ef einhverju yrði breytt eða það fjarlægt fylgdu því Deprecation og Sunset hausar á þeim endapunktum sem í hlut eiga, og ný útgáfa. Breytingaskráin telur upp allar breytingar.